Karl Carstens (14 d'avientu de 1914, Bremen – 30 de mayu de 1992, Meckenheim) políticu alemán foi'l quintu presidente de la República Federal d'Alemaña.
Carstens estudió Derechu y Ciencies Polítiques nes universidaes de Frankfurt, Dijon, Múnich, Königsberg y Hamburgu. En 1949 remató un master de Derechu na Escuela de Lleis de la Universidá de Yale.
Carstens xunióse a les SA, organización paramilitar nazi, en 1933, y al Partíu Nazi dende 1940 hasta 1945.
En 1955 afilióse a la Xunión Demócrata Cristiana, CDU.
En 1960 algamó'l cargu de secretariu d'Estáu nel Ministeriu d'Asuntos Esteriores. Mientres el gobiernu de la gran coalición, (1966-1969), foi secretariu d'Estáu nel Ministeriu de Defensa y, dende 1968 direutor de la Cancillería.
Foi escoyíu miembru del Bundestag dende 1972 hasta 1979. Dende 1973 hasta 1976 foi voceru del grupu parllamentariu de la coalición CDU/CSU. Nesti periodu amosóse bien críticu colo que denominó "enclinos descomanadamente izquierdistes esistentes na sociedá alemana" , estendiendo les sos crítiques al gobiernu del SPD, al que consideraba "descomanadamente débil frente a los grupos d'estrema esquierda" y acusó al escritor Heinrich Böll d'emprestar sofitu a la banda Baader-Meinhof.
© MMXXIII Rich X Search. We shall prevail. All rights reserved. Rich X Search